
遍知贝玛嘎波大师教言集PK290ཁྱད་ཆོས་བསྲེ་འཕོའི་ས་བཅད་ནཱ་རོ་ཏ་པའི་ཞལ་གྱི་ལུང་ཞེས་བྱ་བ་བ།
23-600
༄༅། །ཁྱད་ཆོས་བསྲེ་འཕོའི་ས་བཅད་ནཱ་རོ་ཏ་པའི་ཞལ་གྱི་ལུང་ཞེས་བྱ་བ་བ།
༄༅། །ཁྱད་ཆོས་བསྲེ་འཕོའི་ས་བཅད་ནཱ་རོ་ཏ་པའི་ཞལ་གྱི་ལུང་ཞེས་བྱ་བ་བཞུགས་སོ།། ༄༅༅། ། གྲུབ་ཐོབ་བརྒྱུད་པའི་བླ་མ་རྣམས་ལ་ཕྱག་འཚལ་ལོ། །འདིར་རྡོ་རྗེའི་ལུས་ལ་རླུང་སེམས་ཀྱི་རྟེན་འབྲེལ་གནད་དུ་བསྣུན་པས་ལྷན་ཅིག་སྐྱེས་པའི་ཡེ་ཤེས་རང་དབང་མེད་པར་མངོན་དུ་བྱེད་པའི་གདམ་ངག་བསྲེ་འཕོ་གནད་ཀྱི་མཚམས་སྦྱོར་འདི་ཉིད་འཆད་པར་བྱེད་པ་ལ། 
23-601
ཡིད་ཆེས་ཤིང་ཁུངས་བཙུན་པར་བྱེད་པ་གྲུབ་ཐོབ་བརྒྱུད་བའི་རིམ་པ་དང་། གདམས་པ་དངོས་གཉིས་སོ། །དང་པོ་ལ་ལམ་ཁྲིགས་ཆགས་སུ་བསྟན་པ་དང་། ལམ་གྱི་བོགས་འདོན་གེགས་སེལ་དུ་བསྟན་པའོ། །དང་
པོ་ལ། དངོས་པོའི་གནས་ལུགས། ལམ་གྱི་རིམ་པ། འབྲས་བུ་སྐྱེ་བའི་རིམ་པའོ། །དང་པོ། །དངོས་པོའི་གནས་ལུགས་ལ། ལུས་དངོས་པོའི་གནས་ལུགས་དང་། སེམས་དངོས་པོའི་གནས་ལུགས་གཉིས་སོ། །དང་པོ་ལ། ལུས་
བྱང་ཆུབ་ལྔར་གྲུབ་ཚུལ་དང་། རྩ་དངོས་བོའི་གནས་ལུགས་དང་། བྱང་ཆུབ་ཀྱི་སེམས་དངོས་པོའི་གནས་ལུགས་དང་། རླུང་དངོས་པོའི་གནས་ལུགས་དང་བཞིའོ། །དང་པོ་ལ། དངོས་དང་འཁོར་བ་འཇུག་ལྡོག་གི་གདམ་ངག་
ཟུཪ་བཀོལ་དུ་བཤད་པའོ། །གཉིས་པ་རྩ་དངོས་པོའི་གནས་ལུགས་ལ་གཞུང་དང་། གནས་པ་རྩའི་གདམས་ངག་ཟུར་བཀོལ་དུ་བཤད་པ་གཉིས་སོ། །བཞི་པ་རླུང་དངོས་པོའི་གནས་ལུགས་ལ་གཞུང་དང་གཡོ་བ་རླུང་
གི་ཡིག་ཆུང་དང་། རླུང་གི་དེ་ཉིད་གསལ་བ་གཉིས་ཟུར་བཀོལ་དུ་བཤད་པའོ། །གཉིས་པ་ལམ་གྱི་རིམ་པ་ལ་སྨིན་བྱེད་དབང་དང་གྲོལ་བྱེད་གྱི་ལམ་མོ། །དང་པོ་ལ། མ་སྨིན་པ་སྨིན་པར་
བྱེད་བའི་དབང་དངོས་དང་། དབང་བཞི་ལམ་སློངས་ཀྱི་ཞལ་གདམས་གཉིས་སོ། །གཉིས་པ་གྲོལ་བྱེད་ཀྱི་ལམ་ལ། བསྐྱེད་རིམ་དང་རྫོགས་རིམ་གཉིས་སོ།། ༈ །། རྫོགས་རིམ་ལ། གཏུམ་མོ་ལམ་གྱི་གཞི་མ། ལས་རྒྱ་ལམ་གྱི་བོགས་འདོན། 
23-602
སྒྱུ་ལུས་ལམ་གྱི་སྲོག་ཤིང་། རྨི་ལམ་ལམ་གྱི་དྲོད་ཚད། འོད་གསལ་ལམ་གྱི་སྙིང་པོ། བར་དོ་ལམ་གྱི་བློ་ཆོད། འཕོ་བ་ལམ་གྱི་བསུན་མ། གྲོང་འཇུག་ལམ་གྱི་འཐུད་མ་དང་བརྒྱད་དོ། །དང་
པོ་ལ། གཞུང་དང་སྦ་བཞིའི་གདམས་ངག་ཟུར་བཀོལ་དུ་བཤད་པའོ། །དང་པོ་གཞུང་ལ། སྔོན་དུ་འགྲོ་བ་མན་ངག་གི་ཆོས། དངོས་གཞི་གནད་ཀྱི་གདམས་ངག །རྗེས་བཅའ་བ་ལུས་ཀྱི་འཁྲུལ་འཁོར་དང་གསུམ་
མོ། །དང་པོ་ལ། ཕྱི་ལུས་ཀྱི་སྟོང་ར། ནང་རྩའི་སྟོང་ར། བསྲུང་བའི་འཁོར་ལོ། རྩ་ལམ་སྦྱང་བ། རྩ་གནས་བྱིན་གྱིས་བརླབ་པ་དང་ལྔའོ། །གཉིས་པ་དངོས་གཞི་གདམས་ངག་ལ། སྤྱིའི་གཏུམ་མོ་དང་།
བྱེ་བྲག་གི་གཏུམ་མོ་གཉིས་སོ། །དང་པོ་ལ་གསུམ། ལས་ཀྱི་གཏུམ་མོ་དང་། ཉམས་སཾ་འབར་བའི་གཏུམ་མོ་དང་། མཆོག་གི་གཏུམ་མོའོ། དང་པོ་ལས་ཀྱི་གཏུམ་མོ་ལ་ལྔ་སྟེ། བཅའ་བ་ལུས་ཀྱི་
གནད། ཞི་དྲག་རླུང་གི་གནད། གཅུན་པ་རྩའི་གནད། དམིགས་པ་ཡུལ་གྱི་གནད། གནས་སྐབས་དུས་ཀྱི་གནད་དོ། །གཉིས་པ་ཞི་དྲག་རླུང་གི་གནད་ལ། འཇམ་རླུང་། དྲག་རླུང་། གཡོ་བ་རླུང་གི་མན་ངག་གི་
གནད་དང་གསུམ་མོ། །དང་པོ་སྔོན་འགྲོ་འབུད་པ་དགུ་སྤྲུག །དངོས་གཞི་སྦྱོར་བ་བཞི་ལྡན་ནོ། གཉིས་པ་དྲག་རླུང་ལ། རླུང་ལོག་མི་འབྱུང་བ་འབུད་བའི་གནད། རླུང་རང་གནས་སུ་གཞུག་པ་བརྔུབ་པའི་གནད། 
23-603
རླུང་དབང་དུ་བསྡུ་བ་དགང་བའི་གནད། རླུང་རྩ་མིག་དུ་གདབ་པ་གཞིལ་བའི་གནད། རླུང་ཕྱི་ནང་བསྲེ་བ་གཏོང་བའི་གནད་དང་ལྔའོ། །གསུམ་པ་གཡོ་བ་རང་གི་མན་ངག་གི་གནད་ལ། ཕོ་རླུང་
དྲག་པོ་བཙན་ཐབས་ཀྱི་བསྒོམ་ཚུལ། མོ་རླུང་འཇམ་རླུང་གི་བསྒོམ་ཐབས། མ་ནིང་རླུང་གིས་སྒོམ་ཐབས་དང་། ཞར་བྱུང་གི་གེགས་སེལ་བའོ། །བཞི་པ་དམིགས་པ་ཡུལ་གྱི་གནད་ལ། ནང་གི་དམིགས་པ་ཡུལ་
གྱི་གནད་དང་། ཕྱིའི་དམིགས་པ་ཡུལ་གྱི་གནད་གཉིས་སོ། །དང་པོ་ལ་གཏུམ་མོ་ཨ་ཐུང་ལ་བརྟེན་པ་དང་། དམིགས་པའི་རྣམ་གྲངས། དཔྱིད་ཀྱི་ཐིག་ལེ་དཔལ་ཀུན་ཏུ་ཁ་སྦྱོར་ལས་བཤད་པ་རྡོ་རྗེ་
གདན་བཞི་ལས་བྱུང་བའི་མན་ངག་གི་ཁྱད་པར། རིམ་པ་ལྔ་དང་སྦྱར་བའི་མན་ངག་དཔལ་བདེ་མཆོག་ལས་བྱུང་བ། འཁོར་ལོ་གཉིས་ལ་བརྟེན་པ། འཁོར་ལོ་བཞི་ལ་བརྟེན་པ། གཏུམ་མོ་བློ་ཆོད་
མའམ་གཙུབ་ཤིང་མ། གཏུམ་མོ་དགུ་བསྐོར་མན་ངག་ཁྱད་པར་ཅན་གནད་དང་དགུའོ། དང་པོ་ལ་ཕྱིའི་གཏུམ་མོ། ནང་གི་གཏུམ་མོ་གསང་བའི་གཏུམ་མོ་དང་གསུམ་མོ། །གསུམ་པ་དཔྱིད་ཀྱི་ཐིག་ལེ་དཔལ་
ཀུན་ཏུ་ཁ་སྦྱོར་ལས་བཤད་པ་ལས། རྒྱུད་ཀྱི་རིམ་པ་ཆགས་ལམ་དང་སྦྱར་བ། སྔགས་ཀྱི་རིམ་པ་གཏུམ་མོ་དང་སྦྱར་བ། ཡེ་ཤེས་ཀྱི་རིམ་པ་ཉམས་མྱོང་དང་སྦྱར་བ་གསུམ་མོ། །བཞི་པ་རྡོ་རྗེ་གདན་བཞི་ལས་བྱུང་བའི་མན་ངག་གི་ཁྱད་པར་ལ། 
23-604
དངོས་པོའི་གནས་ལུགས། ལམ་གྱི་རིམ་པ། འབྲས་བུའི་འཆར་ཚུལ་ལོ། །གཉིས་པ་ལམ་གྱི་རིམ་པ་ལ། ལུས་ཀྱི་སྦྱོར་བ་དྲུག །རྩའི་སྦྱོར་བ་དྲུག །དམིགས་བའི་སྦྱོར་བ་དྲུག །རླུང་གི་སྦྱོར་བ་དྲུག །དུས་
ཀྱི་སྦྱོར་བ་དྲུག །ཉམས་ཀྱི་སྦྱོར་བ་དྲུག་གོ །གསུམ་པ་འབྲས་བུ་འཆར་ཚུལ་ལ་མཐའ་བཞི་རང་གྲོལ་གྱི་རྟོགས་པ། རང་འབྱུང་ལྷུན་གྲུབ་ཀྱི་རྟོགས་པ། འགྱུར་མེད་བདེ་ཆེན་གྱི་རྟོགས་པ་དང་གསུམ་
མོ། །ལྔ་པ་རིམ་པ་ལྔ་དང་སྦྱར་བའི་མན་ངག་དཔལ་བདེ་མཆོག་ལས་བྱུང་བ་ལ། སྒྱུ་ལུས་བསྐྱེད་རིམ་བ་ལྷའི་དེ་ཉིད། སེམས་ལ་དམིགས་པའི་དེ་ཉིད། ངག་རྡོ་རྗེ་བཟླས་པའི་དེ་ཉིད། འོད་
གསལ་རྫོགས་པའི་རིམ་པའི་དེ་ཉིད། ཟུང་འཇུག་གི་དེ་ཉིད་དང་ལྔའོ། །དང་པོ་ལ་ཕྱི་ལུས་ཀྱི་གྲུ་གསུམ། ནང་རྩའི་གྲུ་གསུམ། གསང་བ་ཡི་གེ་མེད་པའི་ཆོས་འབྱུང་གྲུ་གསུམ་མོ། །བརྒྱད་བ་གཏུམ་
མོ་བློ་ཚད་མའམ་གཙུབ་ཤིང་མ་ལ་སྔོན་དུ་འགྲོ་བ་དང་། ཐབས་ལམ་དངོས་གཉིས་སོ། །དེ་ལ་ལུས་ཀྱི་འཁྲུལ་འཁོར་གྱིས་རྩ་རླུང་དངོས་སུ་དགོད་པ། སེམས་ཀྱི་འཁྲུལ་འཁོར་གྱིས་གཉུག་མ་གཏན་ལ་
དབབ་པའོ། །གཉིས་པ་ལ་ཕྱི་རླུང་རྩ་ལ་རེངས་པ་དང་། ནང་རླུང་སེམས་ལ་རེངས་པ་གཉིས་སོ། །དགུ་པ་གཏུམ་མོ་དགུ་བསྐོར་མན་ངག་ཁྱད་པར་ཅན་གྱི་གནད་ལ་རླུང་བསྲེ་བ། རླུང་སྦྱང་བ། 
23-605
རླུང་སྤྲུག་པ་དང་གསུམ་མོ། །གཉིས་པ་ཉམས་ཀྱི་གཏུམ་མོ། ཐུན་མོང་གི་རྟགས་དང་། ཁྱད་པར་རྟགས་གཉིས་སོ། །དེ་རྟགས་ལྔ་དང་ཡོན་ཏན་བརྒྱད་དོ། །གཉིས་པ་བྱེ་བྲག་གི་སྐོར་ལ། བོགས་འདོན་གྱི་
སྐོར། བསམ་གྱིས་མི་ཁྱབ་པའི་སྐོར། གསང་སྒྲུབ་ཀྱི་སྐོར་རོ། །དང་པོ་ལ། དྲོད་ཀྱི་བོགས་འདོན་གཙུབ་ཤིང་མ་དང་། བདེ་བའི་བོགས་འདོན་འབར་འཛག །གསལ་བའི་བོགས་འདོན་སྣང་བ་ལམ་ཁྱེར། མི་རྟོག་པ་
བསམ་གྱིས་མི་ཁྱབ་པ་དང་གསུམ་མོ། །གསུམ་པ་གསང་སྒྲུབ་ཀྱི་སྐོར་ལ། རླུང་རྟ་རུ་ཞོན་པ། རླུང་ཟས་སུ་ཟ་བ། རླུང་གོས་སུ་གྱོན་པ། རླུང་སྨན་དུ་བཏང་བའོ། །གསུམ་པ་རླུང་གོས་སུ་
བགོ་བ་ལ། ལུས་གནད་དང་སེམས་གནད་དོ། །དེ་ལ་མཁའ་འགྲོམ་རྡོ་རྗེ་རྩེ། པདྨ་རྩེ། རིན་ཆེན་རྩེ། རལ་གྲི་རྩེ། འཁོར་ལོ་རྩེ་དང་ལྔའོ།། ༈ །། གཉིས་པ་ལས་རྒྱ་ལམ་གྱི་བོགས་འདོན་ལ། ཆུ་
འཐུང་གི་མན་ངག་ཟུར་ན་ཡོད། སྔོན་འགྲོ་རླུང་སྦྱང་བ། དངོས་གཞི་གནད་ཀྱི་གདམས་ངག །ར་ས་ཡ་ན་བཅུད་ཀྱི་ལེན་པ་ཟུར་བཀོའ་དུ་བཤད་པའོ། །གཉིས་པ་ལ་རང་ལུས་ཐབས་ལྡན་དང་། གཞན་
ལུས་ཤེས་རབ་ཕྱག་རྒྱའི་ཉམས་ལེན་གཉིས་སོ། །དང་པོ་ཡིད་རིག་དམིགས་རྟེན་དུ་བྱས་ནས་འབར་འཛག་བསྒོམ་པ་དང་། དངོས་རིག་མཚོན་བྱེད་དུ་བྱས་ནས་ཀུན་ཏུ་རུ་ལ་བརྟེན་པ་གཉིས་སོ། །གཉིས་པ་གཞན་ལུས་ཤེས་རབ་ཕྱག་རྒྱའི་ཉམས་ལེན་ལ། 
23-606
སྔོན་དུ་འགྲོ་བ་ཡན་ལག་གི་ཆོས། དངོས་གཞི་གནད་ཀྱི་མན་ངག །རྗེས་ལམ་དུ་ཁྱེར་བ། བཀོད་པ་བྱང་ཆུབ་སེམས་ཀྱི་མན་ངག་ཟུར་བཀོལ་དུ་བཤད་པའོ། །དང་པོ་ལ་བརྟག་པ། དགུག་པ། མི་
སྦྱང་བར་བྱ་བ། སྲིད་བསྲུང་བ་དང་བཞིའོ། །གཉིས་པ་དངོས་གཞི་གནད་ཀྱི་གདམས་པ་ལ། རྩ་བཙལ་བ། དབབ་པ། གཟུང་བ། བཟློག་པ། ལུས་ཐམས་ཅད་ལ་ཁྱབ་པར་བྱེད་པ་དང་ལྔའོ། །གསུམ་པ་རྗེས་
ལམ་དུ་ཁྱེར་བ་ལ། རྩའི་གནས་སུ་བསྲེ་བ། རླུང་དང་བསྲེ་བའོ། །གསུམ་པ་ར་ས་ཡ་ན་བཅུད་ལེན་གྱི་གདམས་པ་ལ། ལུས་སྒྲུབ་པ་དང་སེམས་སྒྲུབ་པ་གཉིས་སོ། །དང་པོ་ལ། རྒས་པ་
འཆིང་བ། ན་བ་འཆིང་བ། །འཆི་བ་འཆིང་བའོ། །གཉིས་པ་ལ། རླུང་བཅིང་པ་དང་། ཡིད་བཅིའི་བ་དང་། ཁུ་བ་བཅིང་བའོ།། ༈ །། གསུམ་པ་སྒྱུ་ལུས་ལམ་གྱི་སྲོག་ཤིང་ལ། སྔོན་དུ་འགྲོ་བ་ཡན་
ལག་གི་ཆོས། དངོས་གཞི་གནད་ཀྱི་གདམས་ངག་གོ། །དང་པོ་ལ་ཐུན་མོང་ཐེག་པ་དང་བསྟུན་ནས་ཉོན་མོངས་སོ་སོའི་གཉེན་པོ་ལ་བརྟེན་པ་དང་། འབྱུང་བ་ལམ་དུ་འབྱོངས་པ་ཟད་པར་ཟིལ་གནོན་
གྱི་ཏིང་ངེ་འཛིན་བསྒོམ་པའོ། །དེ་ལ་ཟད་པར་གྱི་ཏིང་ངེ་འཛིན་བཅུ་དང་། ཟིལ་གནོན་གྱི་སྐྱེ་མཆེད་བརྒྱད་དོ། །གཉིས་པ་དངོས་གཞི་གནད་ཀྱི་གདམས་ངག་ལ། མ་དག་པའི་སྒྱུ་ལུས་སྒྱུ་མར་སྦྱང་བ།
23-607
དག་པའི་སྒྱུ་ལུས་སྒྱུ་མར་སྦྱང་བ། གཉིས་བསྡུས་ཀྱི་ཆོས་ཐམས་ཅད་སྒྱུ་མར་སྦྱང་བ་དང་གསུམ་མོ། །གཉིས་པ་ལ་བསྐྱེད་རིམ་སྒྱུ་མ་དང་། རྫོགས་རིམ་སྒྱུ་མའོ།། ༈ །། བཞི་པ་རྨི་ལམ་ལམ་གྱི་
དྲོད་ཚད་ལ། སྔོན་དུ་འགྲོ་བ་ཡན་ལག་གི་ཆོས། །དངོས་གཞི་གནད་ཀྱི་གདམས་པའོ། གཉིས་པ། བཟུང་བ། སྦྱང་བ། སྒྱུ་མ་བསླབ་པ། རྨི་ལམ་གྱི་དེ་ཁོ་ན་ཉིད་བསྒོམ་པ་དང་བཞིའོ། །དང་པོ་
ལ། འདུན་པའི་སྟོབས་ཀྱིས་འཛིན་པ་དང་། རླུང་གི་སྟོབས་ཀྱིས་འཛིན་པ་དང་། །དམིགས་པའི་སྟོབས་ཀྱི་འཛིན་པ་དང་གསུམ་མོ། །དེ་ལ་དང་པོ། སྦོགས་ཆོག །འབྱམས་བཞི་བཅད་པའོ།། ༈ །། ལྔ་པ་འོད་གསལ་ལམ་
གྱི་སྙིང་པོ་ལ། གཞིའི་འོད་གསལ། ལམ་གྱི་འོད་གསལ། འབྲས་བུའི་འོད་གསལ་ལོ། །གཉིས་པ་ལ། ཉིན་མོ་ལམ་དང་རང་བཞིན་གཅིག་ཏུ་བསྲེ་བ་འོད་གསལ་གྱི་ཆོས་ཚན་ལྔ། །མཚན་མོ་ལམ་དང་རང་
བཞིན་གཅིག་ཏུ་བསྲེ་བ་འོད་གསལ་གྱི་ཆོས་ཚན་ལྔ། བར་དོ་ལམ་དང་རང་བཞིན་གཅིག་ཏུ་བསྲེ་བ་འོད་གསལ་གྱི་ཆོས་ཚན་ལྔ། གཉིས་པ་ལ། སྔོན་དུ་འགྲོ་བ་ཡན་ལག་གི་ཆོས། དངོས་གཞི་
གནད་ཀྱི་གདམས་པ་གཉིས་སོ།། ༈ །། དྲུག་པ་བར་དོ་ལམ་གྱི་བློ་ཆོད་ལ། སྡོན་དུ་འགྲོ་བ་ཡན་ལག་གི་ཆོས། དངོས་གཞི་གནད་ཀྱི་གདམས་ངག་གོ། །དེ་ལ་བར་དོ་དང་པོ་འོད་གསལ་ཆོས་སྐུའི་ལམ་ཁྱེར། 
23-608
བར་དོ་གཉིས་པ་ཟུང་འཇུག་ལོངས་སྤྱོད་རྫོགས་པའི་སྐུའི་ལམ་ཁྱེར། བར་དོ་གསུམ་པ་སྐྱེ་བ་འཛིན་པ་སྤྲུལ་པའི་སྐུའི་ལམ་ཁྱེར་དང་གསུམ་མོ།། ༈ །། བདུན་པ་འཕོ་བ་ལམ་གྱི་བསུན་མ་ལ། སྔོན་
དུ་འགྲོ་བ་ཡན་ལག་གི་ཆོས། དངོས་གཞི་གནད་ཀྱི་གདམས་པའོ། །དེང་པོ་ལ། འཆི་ལྟས་བརྟག་པ། འཆི་བ་བསླུ་བ་གཉིས་སོ།། ༈ །། གཉིས་པ་དངོས་གཞི་གནད་ཀྱི་གདམ་ངག་ལ། ཐ་མ་སྐྱེ་བ་
འཛིན་པའི་འཕོ་བ། འབྲིང་ལོངས་སྐུར་འཕོ་བ། རབ་ཆོས་སྐུར་འཕོ་བ་དང་གསུམ་མོ། །དང་པོ་ལ། བཙན་ཐབས་ཀྱི་འཕོ་བ། ཉལ་ཐབས་ཀྱི་འཕོ་བ། སྦྱངས་ཏེ་འཕོ་བ་དང་གསུམ་མོ། །གཉིས་པ་ཉལ་
ཐབས་ཀྱི་འཕོ་བ་ལ། བཅོས་པ་ལུས་ཀྱི་གནད། རྒྱུ་བ་རླུང་གི་གནད། འཆི་བ་དུས་ཀྱི་གནད། ཐིམ་པ་རིག་པའི་གནད་གཞིའོ། །གསུམ་པ་སྦྱངས་ཏེ་འཕོ་བ་ལ། ཨ་ཡིག་ཉེར་གཅིག་མའི་འཕོ་བ།
འཁྲུལ་འཁོར་དྲུག་གི་འཕོ་བ། རྣམ་ཤེས་བླ་མའི་འཕོ་བ་དང་གསུམ་མོ། དང་པོ་ལ། ལྷ་སྒོམ་པ། སེམས་བསྐྱེད་པ། གསོལ་བ་གདབ་པ། འཕོ་བ་བསླབ་པ། འཕོ་བ་ལ་སྦྱངས་པ། འཕོ་བ་དངོས་
སོ། །གཉིས་པ་འབྲུལ་འཁོན་དྲུག་གི་འཕོ་བ་ལ། ཉེ་བ་འཕྲང་དགུག་པའི་ཡན་ལག །ལྷ་དང་བླ་མ་ལ་གསོལ་བ་གདབ་པ་བར་ཆད་མི་འབྱུང་བའི་ཡན་ལག །སྨོན་ལམ་གདབ་པ་ལོག་པར་མི་འབྱུང་བའི་ཡན་ལག །
23-609
སྒོ་བཅད་པས་གོལ་བར་མི་འབྱུང་བའི་ཡན་ལག ། རིགས་དྲུག་གི་ས་བོན་བསྲེགས་པས་བག་ཆགས་སྦྱོང་བའི་ཡན་ལག །ཤེས་པ་གར་འདོད་ཀྱི་གནས་སུ་བསྐྱོལ་བ་ལུས་སེམས་འབྲེལ་བའི་ཡན་ལག །གང་དུའང་
མ་ཆགས་པ་ཁམས་གསུམ་འཁོར་བར་མི་ལྷུང་བའི་ཡན་ལག་གོ། །གསུམ་པ་རྣམ་ཤེས་བླ་མའི་འཕོ་བ་ལ། སྦྱང་བ་དང་ལས་ལ་སྦྱོར་བ་གཉིས་སོ།། ༈ །། བརྒྱད་པ་གྲོང་འཇུག་ལམ་གྱི་འཐུད་མ་
ལ། དང་པོ་སྦྱང་བ། བར་དུ་སད་པ། ཐ་མར་ལས་ལ་སྦྱར་བ་དང་གསུམ་མོ།། ༈ །། གསུམ་པ་འབྲས་བུ་སྐྱེ་བའི་རིམ་པ་ལ། ཟུང་འཇུག་གི་རྣམ་གཞག །ལམ་ཡོན་ཏན་ཕུན་ཚོགས་སོ་སོའི་
ཡོན་ཏན། ས་ལམ་གྱི་བགྲོད་ཚུལ་དང་གསུམ་མོ།། ༈ །། གཉིས་པ་ལམ་གྱི་བོགས་འདོན་པ་དང་གེགས་སེལ་དུ་བསྟན་པ་ལ། རླུང་གི་གེགས་སེལ་ཅིག་ཅར་བསྟན་པ་དང་། གེགས་སེལ་ཉི་མའི་སྙིང་པོའམ་
རླུང་གི་དེ་ཉིད་བདུན་བཅུས་དམིགས་བསལ་དུ་བསྟན་པའོ།། ༈ །། གཉིས་པ་བྱིན་རླབས་དང་འབྲེལ་བ་སྙན་བརྒྱུད་ཀྱི་གདམས་ངག་ནི། ལམ་བསྡུས་ཏེ་བཤད་པའམ། གང་ཟག་ཅིག་ཅར་བ། ཐོད་རྒལ་བ། རིམ་སྐྱེས་
པ་དང་གསུམ་ཐ་དད་པའི་ཁྲིད་ཚུལ་ཏེ། དཔལ་ལྡན་བླ་མ་དམ་པ་ཡུན་དུ་མཉེས་པར་བྱས་ཏེ་ཤེས་པར་བྱའོ། །ནཱ་རོ་པཎྜི་ཏས་བཤད། མར་པ་ལོ་ཙས་བསྒྱུར། མི་ལ་ཡབ་སྲས་ཀྱིས་བསྒོམས་པ་བཀའ་བརྒྱུད་རིན་པོ་ཆེའི་གྲུབ་ཐོབ་ཐམས་ཅད་བགྲོད་པ་གཅིག་པའི་(ཟླ་བ༡་མིག༢་མེ༣་ཆུ་གཏེར༤་ཅན། །
23-610
ཕུང་པོ༥་རོང་ངེ༦་རོ་བ༧་ཀླུ༨།།རྩ་བ༩་ཕྱོགས༡༠་དང་ཉི་མ༡༡་ཞེས། །བླ་མ་དམ་པའི་ཞལ་སྔ་གསུང་།)ལམ། ཁྱད་ཆོས་བསྲེ་འཕོའི་གདམས་ངག་ལག་ལེན་སྨར་ཁྲིད་དུ་འདོད་པ་དག་གིས་བདག་གི་ལྡེ་
མིག་འདི་གཟུང་ན། གཞུང་དོན་གྱི་ཁང་བཟངས་ཆེན་པོ་སྒོ་བྱེད་པར་གོར་མ་ཆགས་པས་བརྒྱུད་ལྡན་གྱི་གདམས་ངག་ཐོབ་པ་དག་(རྔོག་ལུགས་ཕལ་གྱིས་ལུང་ཙམ་བཤད་ལ། བཀའ་བརྒྱུད་པ་ཕལ་གྱི་མིང་
ཙམ་ཡང་མ་ཐོས་ན་ལག་ལེན་སྟ་སྨོས་བྱར་ཅི།) ལ་ཕན་ཐོགས་པའི་ཆེད་དུ་པདྨ་དཀར་པོས་སྦྱར་བའོ།། །། ཀུན་མཁྱེན་བླ་མའི་གསུང་གསང་མུ་ཏིག་འཕྲེང་། །ཁ་སྐོང་མཛོད་ཁྲི་ཐབས་མཁས་བཞེངས་པའི་དགེས། །
དོན་བརྒྱུད་བསྟན་རྒྱས་སྐུ་གཤེགས་དཔལ་ལྡན་གཙོས། །མ་ལུས་འགྲོ་ཀུན་སྐུ་བཞི་མྱུར་ཐོབ་སྨོན།། སརྦ་མངྒ་ལཾ༎ །།


